...यस पृथ्वीकै हिमाली क्षेत्रमा सांसारिक दुःख भन्दा परको त्यस्तो गोप्य सुखमयी क्षेत्र विद्यमान रहेको विगतमा वाणी भएको रहेछ । तर सीमित व्यक्ति र समुहमा बाहेक आम समाज तथा सर्वसाधारणबाट ती क्षेत्रहरू लुप्त र गुमनाम नै हुँदै आएको देखिन्छ । तिनै हिमाली पर्वत कन्दराहरूका पुराना मोक्ष कथा (नाम्थार), तथा उपदेशहरूमा तीव्र इच्छा राख्ने एक स्थानीय युवा १२ वर्ष अगाडि मेरो सम्पर्कमा आउनु भएको थियो । उहाँ यही पुस्तकको लेखक हुनुहुन्छ ।  उहाँ कहिले एक जिज्ञासु, कहिले पर्यटक पथप्रदर्शक, कहिले विकासे कार्यकर्ता त कहिले एक यायावर भएर हिँड्‎दै रहनु भएको थियो । त्यस्तै कुनै समय बौद्ध ध्यान परम्पराको अध्ययन का साथै कुनै समय भविष्यवाणी गरिएको त्यस्तो गोप्य शुद्ध भूमिको खोजीमा पनि निक्लनु भएको रहेछ । तिनै अनुभूति तथा यात्रा वृतान्तलाई सङ्गालेर उहाँले यस अमरभूमि नामक पुस्तक लेख्नु भएको छ । .......यस पुस्तकले दिन खोजेको सन्देश आधुनिक जीवन र समाजलाई निकै उपयोगी हुने म देख्छु । 

लेखकलाई मेरो बधाई अनि शुभकामना ।

भवन्तु सर्वमङ्गलम् ।

मिलन शाक्य 

निर्देशक, नागार्जुन बौद्ध अध्ययन संस्था, ललितपुर 

अध्यापक, सुगत बौद्ध महाविद्यालय, ललितपुर 

मितिः मंसीर, २०८०  

“ यदि यस समयमा सांग्रिलाको कुनै अवशेष छ भने यो यही हो ... जिग्मे... नेपालमा तपाईहरुसँग बिताएका ती दिनहरूलाई हामी जीवनको उत्कृष्ट अनुभवका रूपमा हेर्छौं । ”

 –माइकल डेभिड वुड (इतिहासकार, लेखक, प्रसारक, बी. बी. सी.)

“ एक सुन्दर अनि प्रभावशाली किताव ...”

– केट सिहान रोच, संस्थापक सम्पादक, कन्टेम्प्लेटीव जर्नल, अमेरिका 

“ हिमाली क्षेत्रको साहित्यमा एक कोशे ढुंगा सावित हुने देख्छु ... ”

– रिन्जिन फुन्जोक लामा, नेपालको पहिलो रोलेक्स पुरस्कार विजेता, अनि टाइम्स उदीयमान युवा 

“ रमाइलो, अद्वितीय शब्द लयमा कैद सुन्दर कथा ... ”

– मेरीरोज फेनलि, फिल्म निर्माता र लेखक, टकिङ स्टोरी, नर्थ एट्लान्टिक बुक्स, अमेरिका